ငါးပွက်ရာကို ဒုံးကျည်ချတော့
ကိုယ့်ထမင်းကိုစားပြီး ဒုက္ခသည်ဖြစ်နေကြရတယ်
ကမ္ဘာကြီးရေ...
ရေသာများပြီး ငါးရှာမတွေ့တဲ့
ဒီသာသနာ့မြေမှာ ငါးမျှားချိတ်ဟာလည်း
ငါးယောင်ဆောင်လို့...
ငါးတွေဟာလည်း
တီကောင်လိုလို ဖားလိုလိုနဲ့
တွင်းအောင်းနေကြရ...
ဘုရားငါးဆူ ပွင့်တဲ့ ကမ္ဘာမှာ
တံငါသည်လို မေတ္တာရှင်တွေသာ
သူတော်စင်လုပ်နေကြတော့
ကမ္ဘာကြီးဟာ ငါးပါးမှောက်ပေါ့...
ငါးပွက်ရာ အတု၊ ငါးအတုနဲ့
အနန္တ ငါးပါး ဦးထိပ်ထားတဲ့
ငါတို့ရဲ့ အဖြစ်ဆိုးတွေ...
No comments:
Post a Comment