တစ်ခါတစ်လေတော့လည်း
နာကျည်းစရာ စာမျက်နှာတစ်ရွက်ကို
ကျော်ပြီး ဖတ်လိုက်ချင်တယ်။
ရံဖန်ရံခါ အတိတ်ရဲ့ပုံရိပ်တွေက
အိပ်မက်ဆိုးသဖွယ် ခြောက်လန့်လို့
ဒီအိပ်မက်ဆိုးကလည်း နိူးထချင်ပြီ။
အာရုံဦးရဲ့နေ့သစ်တိုင်းကို
ဇောချွေးတွေနဲ့လည်း
မကြိုဆိုချင်တော့ဘူး။
ရေပြင်လို လေတိုက်တိုင်း မငြိမ်တဲ့ဘဝမှာ
ဗေဒါလို ပျော်ပျော်လေးပဲ မျောနေတော့မယ်။
အခွင့်ရှိလို့ ပြန်ဆုံတဲ့အခါ
တည်ငြိမ်တဲ့ကျောက်ဆောင်အဖြစ်နဲ့သာ
မြင်တွေ့လိုပါတယ်။ ။
တေလေ(8.5.2018)
No comments:
Post a Comment